التسجيلالتسجيل  الرئيسيةالرئيسية  اليوميةاليومية  س .و .جس .و .ج  بحـثبحـث  المجموعاتالمجموعات  الأعضاءالأعضاء  دخولدخول  
أهلا وسهلا بكم في منتديات نوره ونتمنى لكم قضاء اسعد الاوقات ... الادارة

شاطر | 
 

 ابوذيات جملية

اذهب الى الأسفل 
كاتب الموضوعرسالة
قصي التكريتي

avatar

عدد المساهمات : 25
تاريخ التسجيل : 10/09/2009
العمر : 29

مُساهمةموضوع: ابوذيات جملية   الخميس سبتمبر 10, 2009 7:22 pm

1
علي ثوب ألونين أشكثر(حالي)
شباب وهل شبت من دون(حالي )
أنشد على احوالك مثل (حالي)
طايح والهموم اتشيل بيه؟

2
أحبابي شلون حلتكم(بعدنا)
شبدينا والزمن عنكم (بعدنا)
اذاأنتم نسيتونا احنا (بعدنا)
بذكركم كل صباح وكل مسية

3
بس مني التريده يصير(بالفور)
طفيلي وادري بيك تموت (بالفور)
يهودي ومن تواعد وعد (بالفور)
توصل للصدك تكلب عليه

4
أسهام المحب صابني(ولاحن)
كلبك من صخر صاير (ولاحن)
صرت مطرب وغنيلك (ولحن)
شماأغني ولك ضايج عليه

5
أنه جناح الحزن رفرف (من اسماي)
ويموت الموت لو يشرب (من أسماي)
أضن تختاض لو تعرف (من أسماي)
وخاف عليك لاتنصدم بيه

6
بعسر غير النوايب (فاتحتمن)
وسهم غدرك بكلبي(فاتحتمن)
كتلتني وجاي تنشد (فاتحتمن)
ولاجنك رحت جناز بيه .

7
تمرضت وصعد مرضي (على أشفاي)
وطب لندن فلا يلحك(على أشفاي)
حبيبي من تحط شفتك (على شفاي)
أشفه وكل مرض ما يبقه بيه

8
بمتوني أجفاك صدك(خلعاها)
وروحي من رداها (خلعاها)
تره أفراكك بوجهي (خلعاها)
ألاعمى ألمايوجد صفن بيه

9
مفارك وألليالي أسنين(مرن)
صايركل لذيذ الزاد (مرن)
طفر كلبي على ألنقال (مرن)
حسبت روحي وحياتي أتصل بيه

10
وحك ألي مله ألكونين ألاء
مثل عين ألغزال أعيون ألاء
أمد أيدي عليها تكول آه لا
كلشي ولاتمد أيدك عليه .

11
حبك سره بنص أحشاي(دورة)
عزيز وألك بالشريان (دورة)
أذا شكيت هاك ألكلب (دورة)
أذا غيرك لكيت أعتب عليه

12
حبيبي لاتشدراسك(سلامات)
وصلني خبر عن صحتك(سلامات)
ألف مكتوب أوديلك(سلامات)
مشافى وألمرض يندار أليه.

13
عد عينك لشل ألجرح (وكفه)
وإلي وياك بالطيبات (وكفه)
تظن عنك أدير ألوجه(وكفه)
أخوك وخاطرك غالي عليه

14
على كيفك حبيبي وياك (‎برضاك)
وعشرتي وياك موش بجبر(برضاك)
زرعت أرضك ورد خضرشوج (برضاك)
عبن ساسك رمل ورضك موأوليه .

15
أبهجرك راح عكلي(مالفاني)
وجثير أشعارلجلك
(مالفاني)
رحت أركض بهيمة
(مالفاني)
أدور أعليك يل رحت من إيدية

16
أزيدك بالجمع وتصير ناقص
يفيض عليك نهري وأنت ناقص
مثلك بالبشر ماشفت ناقص
نذل بذات وطباعك ردية

17
شلون تخون وأنت حلفت بايات
مزلاكة طلعت مو درج بايات
تريد تروح مو بس باي بايات
وأليرجع ألف نعلة على أبيه

18
جرى دمعي على ألوجنات ياحيف
وعلى ألناس الماتقدر ألتعب ياحيف
أني ألجنت أخوف خفت ياحيف
ولذت بالجانوا يلوذون بيه

19
شمالك ياضعن بهواي شتيت
أنا بناري وأهمن بيك شتيت
أذا أنت بقميص ألصيف شتيت
أنا مصلخ شتاك ألمر علية

20
علي دوم ألليالي تلف وتدور
ولأجلك رخصيت ألذهب وألدر
أحبك من زمان ألدار وألدور
شعجب لمن كبرنة تخون بية

21
عشكتك من صغر سنك
ويهلك أليحبك ليش يتعذب ويهلك
أغار عليك من تمشي ويهلك
لجن وية ألغريب شلون بيه

لاتطالبني بأمر بي معجزات
لأن ماعندي كلب يتعذرك
تريد مني أذكرك شي مستحيل
أي غير كون أنساك حتى أذكرك

22
ونيني لاسنة بطل ولاعام
وسجني خاص ألي وحدي ولاعام
أخبرك لا أخو ينفع ولا عم
ألي بس الله ألعزيز يحن عليه

23
هواكم أثر بعقلي ودارة
ومنو مثلي ألج وفة ودارة
سمعت بقيس عاف أهلة ودار
وعليكم ماحمل مثلي أذيه

24
أداوي بجرح دلالي ولاطاب
ألف دكتور داواني ولاطاب
بسناسل خيطوجرحي ولاطاب
دواي أنته يهل ألمبعدعليه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ابوذيات جملية
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: الاقسام الادبية :: منتدى الشعر الشعبي-
انتقل الى: